ភ្នំពេញ ÷យោងតាមលិខិតមួយច្បាប់ ដែលអង្គភាពសារព័ត៌មានយើង ទទួលបាន ពីសាលាដំបូងខេត្តសៀមរាប .ដីកាកោះហៅ លោក ហេង ឈៀងគ្រី ចៅក្រមសាលាដំបូងខេត្តសៀមរាប ជូនចំពោះ ព្រាប ម៉ូនីកា ភេទស្រីអាយុ ៣០ឆ្នាំ សញ្ជាតិខ្មែរ អាសយដ្ឋានបច្ចុប្បន្ននៅភូមិទក្សិណខាងត្បូង សង្កាត់គោកចក ក្រុងសៀមរាប ខេត្តសៀមរាប (ចុងចម្លើយ)
សញ្ញាណនៃរឿងក្តី និងភាគី (កម្មវត្ថុបណ្ដឹង)ទាមទារប្រាក់ សំណុំរឿងរក្សាការពារ ១៦៧ បអស ចុះថ្ងៃទី២៦ ខែមេសា ឆ្នាំ២០២៣ ដោយម្ចាស់បំណុល ឈ្មោះ ជាសុខល័ក្ខណ៍ ភេទស្រី អាយុ៣១ឆ្នាំ សញ្ជាតិខ្មែរ អាសយដ្ឋានបច្ចុប្បន្ន នៅភូមិត្រពាំងកប្បាស ឃុំតាភេម ស្រុកត្រាំកក់ ខេត្តតាកែវ ។
កូនបំណុលឈ្មោះ ព្រាប ម៉ូនីកា ភេទស្រីអាយុ៣០ឆ្នាំ សញ្ជាតិខ្មែរ អាសយដ្ឋានបច្ចុប្បន្ន នៅភូមិទក្សិណខាងត្បូង សង្កាត់គោកចក ក្រុងសៀមរាប ខេត្តសៀមរាប ដែលត្រូវបង្ហាញខ្លួន នៅថ្ងៃទី២៦ ខែមិថុនាឆ្នាំ ២០២៣ នៅវេលាម៉ោង ០៩និង០០នាទី ព្រឹកនៅសាលាដំបូងខេត្តសៀមរាប អាគារខជាន់ទី១( បន្ទប់លេខ.ខ ២០)
សូមរំលឹកផងដែរថា កាលពីថ្ងៃទី ២១ ខែឧសភា ឆ្នាំ២០២៣ ត្រូវបានកម្លាំងនាយកដ្ឋាននគរបាលព្រហ្មទណ្ឌកម្រិតស្រាល នៃក្រសួងមហាផ្ទៃ ឃាតខ្លួន ឈ្មោះ ជា សុខល័ក្ខណ៍ ភេទស្រី អាយុ៣២ឆ្នាំ ជនជាតិខ្មែរ សញ្ជាតិអាមេរិក មានអាស័យដ្ឋានផ្ទះលេខ១៨ ផ្លូវP04 បូរីជីបម៉ុង សង្កាត់ព្រៃស ខណ្ឌដង្កោ រាជធានីភ្នំពេញ ឱ្យចូលបង្ហាញខ្លួន នៅនាយកដ្ឋាននគរបាលព្រហ្មទណ្ឌក្រសួងមហាផ្ទៃ ដើម្បីសាកសួរលើបណ្តឹងព្រហ្មទណ្ឌពីបទ៖ គំរាមថានឹងសម្លាប់ ប្រទុសកេរ្តិ៍ បរិហារកេរ្តិ៍ជាសាធារណៈ ញុះញង់បង្កឱ្យមានបទល្មើសជាអាថ តាមបណ្តឹង ឈ្មោះ ព្រាប ម៉ូនីកា ភេទស្រី អាយុ៣១ឆ្នាំ ជនជាតិខ្មែរ ។
បន្ទាប់ពីនគបាលនាយកដ្ឋានព្រហ្មទណ្ឌកម្រិតស្នាល នៃក្រសួងមហាផ្ទៃ ឃាត់ខ្លួនឈ្មោះ ជាល័ក្ខណ៍ ដើម្បីសាកសួរជុំវិញពាក្យបណ្ដឹងខាងលើ នៅឯក្រសួងមហាផ្ទៃរួចរាល់ តែត្រូវបានដោះលែងឲ្យមានសិទ្ធិសេរីភាពវិញ។
បញ្ជាក់បន្ថែម សូម ឈ្មោះ ព្រាប ម៉ូនីកា បង្ហាញខ្លួន ឲ្យទាន់ពេលវេលា និងទីកន្លែង ដូចដែលបានកំណត់ខាងលើ ។
