ភ្នំពេញ ÷នៅវេលាម៉ោង១៥ និង០៥នាទីនាថ្ងៃទី៦ ខែកក្កដា ឆ្នាំ២០២៥ ក្រុមអន្តរាគមន៍បង្ក្រាបបទល្មើសចលនាសត្វនៃអគ្គដ្ឋានសុខភាពសត្វ និងផលិតកម្មសត្វ បានចុះឃាត់ចាប់រថយន្ត ១គ្រឿង ម៉ាកHYUNDIA ពាក់ស្លាកលេខ ភ្នំពេញ 2D.2348 ដឹកសាច់សត្វបង្កកចំនួន ៥០២កេស ក្រដាស ស្មើនឹង ៨០១៥គីឡូក្រាម (ភ្លៅមាន់ និងសាច់គោ) ឃាត់នៅលើផ្លូវ៣០ម៉ែត្រ សង្កាត់ព្រៃស ខណ្ឌដង្កោ រាជធានីភ្នំពេញ។
សូមបញ្ជាក់ផងដែរ រថយន្តខាងលើបានដឹកសាច់បង្កក ចេញពីប្រទេសវៀតណាម តាមច្រកតំបន់ ព្រែកជ្រៃ ស្រុកកោះធំ ខេត្តកណ្ដាល ឆ្ពោះមកលក់ចែកចាយនៅរាជធានីភ្នំពេញ(តាមការឆ្លើយបញ្ជាក់ពីអ្នកបើកបរដឹកសាច់បង្កក) ដោយគ្មានលិខិតអនុញ្ញាតអ្វីទាំងអស់។
ក្រុមការងារបាននាំយកវត្ថុតាំង និងបទល្មើសខាងលើមករក្សារទុកនៅទីតាំងចត្តាឡីស័កសត្វរបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីអនុវត្តន៍តាមនីតិវិធីច្បាប់ ៕អត្ថបទរូបភាព CTV8
