អ្នកស្លា.ប់ដោយហេតុការណ៍ធ្លា.ក់យន្តហោះនៅកូរ៉េខាងត្បូង កើនដល់ ១៧៦នាក់ហើយ

អន្តរជាតិ÷យោងតាមអាជ្ញាធរក្នុងតំបន់ត្រូវបានដកស្រង់សម្តីដោយប្រព័ន្ធផ្សព្វផ្សាយដែលបាននិយាយថា ចំនួនអ្នកស្លាប់ដោយសារហេតុការណ៍ធ្លាក់យន្តហោះនៅប្រទេសកូរ៉េខាងត្បូង បានកើនឡើងដល់ ១៧៦នាក់ហើយ ខណៈដែលមនុស្ស ៣នាក់ផ្សេងទៀតបានបាត់ខ្លួន។

យន្តហោះដែលដឹកអ្នកដំណើរចំនួន ១៧៥នាក់ និងសមាជិកអាកាសយានិកចំនួន ៦នាក់បានធ្លាក់ចេញពីផ្លូវរត់ ខណៈកំពុងចុះចតនៅអាកាសយានដ្ឋានអន្តរជាតិ Muan នៅភាគនិរតីរបស់ប្រទេស។

យោងតាមសេចក្តីរាយការណ៍បានឱ្យដឹងថា វាបានបុកជញ្ជាំងបេតុង ហើយបានផ្ទុះឆេះឡើង មន្រ្តីនោះបានរាយការណ៍ថា «បន្ទាប់ពីយន្តហោះបានបុកជញ្ជាំង អ្នកដំណើរត្រូវបានខ្ទាតចេញពីយន្តហោះ ឱកាសនៃការរស់រានមានជីវិត គឺទាបខ្លាំងណាស់»។ 

ប្រតិបត្តិការមួយកំពុងដំណើរការដើម្បីយកសាកសព។

សមាជិកអាកាសយានិកចំនួនពីរនាក់ត្រូវបានជួយសង្គ្រោះ និងដឹកជញ្ជូនទៅកាន់ទីក្រុងសេអ៊ូលដើម្បីព្យាបាល។ របួសរបស់ពួកគេត្រូវបានគេរាយការណ៍ថាមិនបានគំរាមកំហែងដល់អាយុជីវិតនោះទេ៕ ដោយ៖ យា ចិន្ដាខន្ដី (ប្រភព៖ ស្ពុតនីក)